Баян Алагөзова мен Мөлдір Әуелбекованың арасында дау туындап келеді
KeshYou-дың бұрынғы солисті, Nazar тобының қазіргі продюсері Мөлдір Әуелбекова Баян Алагөзовамен жұмыс істегені жайлы баяндап берді. Әншінің сөзінше, продюсер KeshYou тобының қыздарын ашық-шашық киінуге мәжбүрлеген. Бұл туралы Мөлдір Stan.kz порталына берген сұхбатында айтып берді.
Баян Алагөзова да қарап қалмай, бұл мәлімдемеге өз жауабын берді. Продюсер БАҚ-тың Мөлдір Әуелбекованың сөзін тым әсірелеп жібергеніне сенімді болып отыр.
«Молечка, қызым менің, сен мұны шынымен айтып тұрсың ба??? Дарындым менің, сен қияли екенсің, ақылдым, әсіресе шарттарың мен қайта оралуыңа қатысты не дейсің. Осылайша «әдемі ән» салғаның қалай, мүмкін бірге отырып, сұхбат береміз, шындығында қалай болғанын көзіме қарап тұрып, айтып берерсің? Молечка, мен барлығын ұйымдастырып берейін, қай БАҚ-пен келісейін? Барлығы жақсы болады, уәде беремін. Дегенмен, БАҚ-тың тым әсірелеп жібергеніне және жарияланған мәліметтің шындыққа жанаспайтынына сенімдімін», - деп жазған Алагөзова өзінің Instagram-дағы парақшасына.
Мөлдір Әуелбекова дауды шешуге әлі асықпайтын көрінеді.
Еске сала кетсек, әнші 2006 жылдан 2012 жылға дейін KeshYou тобында болған. 2014 жылы ол қайта оралды, бірақ кейін Shine production-мен арадағы келісім-шартқа түбегейлі нүкте қойылды. Мөлдір Баян Мақсатқызымен бірге жұмыс істеген жылдары «Жұлдызға арналған коктейль» және «Жұлдызға арналған коктейль 2» атты екі фильмге түскен болатын.
пікірлер жоқ, бірінші болыңыз
Пікір қалдыру үшін