Берлинале 2018: Джонатан Риз Майерс «Ояну» тылсым триллеріне түседі
Джонатан Риз Майерс («Тюдорлар» хикаясы, «Стоунволл») танымал ресейлік оператор Федор Лясстың («Хардкор», «Мұзжарғыш») режиссерлік дебюті «Ояну» тылсым триллерінде басты рөлді сомдамақ. Жобаның қосалқы режиссері және продюсері ретінде тәжірибелі Александр Черняев («Жауынгер», «Махаббат тәлкегі») атсалысады.
«Ояну» фильмінің түсірілімі наурызда басталады. Фильмнің сюжеті Джон Доудың (Джонатан Риз Майерс) айналасында өрбиді, ол аурухана төсегінде есте сақтау қабілетінен айырылған күйде оянады. Доу өзінің кім екенін білмейді және оны адам өлтіру қылмысы бойынша полиция іздестіре бастайды. Оның кінәсіз екеніне сенген жас медбикенің көмегімен Майерстің кейіпкері ауруханадан қашып кетеді. Доу мен қыз нағыз кісі өлтірушіні табу үшін тергеу жүргізе бастайды.
пікірлер жоқ, бірінші болыңыз
Пікір қалдыру үшін