«Шерткіш және төрт патшалық»: дубляждалған алғашқы трейлерде классикалық хикая жаңаша бағытта көрініс тапты
Disney студиясында түсірілген Гофманның «Шерткіш және тышқан патшасы» ертегісінің экрандауы классикалық хикаяны жаңаша бағытта баяндамақ. Кейіпкер – Клара есімді қыз – анасына тиесілі болған құпия қобдишаның кілтін іздейді, ал Шерткіш, пері Драже мен басқа да таныс ертегі кейіпкерлері оған көмектеседі. Алтын жіп Клараны ғажайып елге жетелейді, ол жақта түрлі ғажайыптарды ғана көріп қоймай, ертегінің «көлеңкелі тұстарын» да байқайды, тіпті тышқан патшасының өзімен жолығады.
Көрермен Disney-дің үздік дәстүріне тән рождестволық әдемі ертегіні көретін болады. Чайковскийдің классикалық музыкасының және ғажап костюмдер мен графиканың үйлесімділігі ертегіні әсірелей түседі. Оны Disney-дің жақында шыққан «Сұлу ару мен құбыжық» және «Алиса Ғажайыптар елінде» жобаларымен салыстыруға балады. Түсірілім барысының көлемі де таң қалдырарлықтай, картинаға балеттің алдыңғы қатарлы әртістері атсалысқан, арасында ресейлік танымал биші Сергей Полунин де бар.
«Шерткіш және төрт патшалық» фильміндегі басты рөлді Маккензи Фой («Интерстеллар», «Ымырт») сомдады. Сондай-ақ, картинаға Голливудтың белгілі жұлдыздары: Кира Найтли, Морган Фриман, Хелен Миррен түскен. Гофман ертегісін соңғы рет үлкен экранға Андрей Кончаловский алып шыққан еді, бірақ ол картина хитке айнала қоймады.
пікірлер жоқ, бірінші болыңыз
Пікір қалдыру үшін