«Қызғылт даланың гүлдері»: 80-жылдардың ең табысты жобаларының ремейкі дайындалу үстінде
Режиссер Стивен Спилберг («Бірінші ойыншы дайындалсын», «Құпия құжатнама»), актриса әрі тележүргізуші Опра Уинфри («Уақыт қалтарысы», «Сельма») және композитор Куинси Джонс («Кактус гүлі», «Маккена алтыны») 1985 жылғы «Қызғылт даланың гүлдері» атты хит болған жобаның табысын қайталауға дайын, бірақ ол 2005 жылы Бродвейде қойылған, үш театр маусымында көрсетілген табысты мюзикл негізінде түсіріледі. Элис Уокердің «Қызылкүрең түс» романы негізінде қойылған түпнұсқа таспа «Оскардың» 11 номинациясын, «Алтын глобустың» 4 номинациясын иеленіп, айналымда 142 млн доллар пайда тапқан.
Уокер романы мен Спилберг фильміндегі оқиға өткен ғасырдың басында өзінің нәсілшілдік дәстүрлерімен танылған АҚШ-тың шалғайдағы оңтүстігінде өрбиді. Басты кейіпкер қара нәсілді Силия Джонсон құқықсыздықты, кемсіту мен зорлықты басынан өткеруге мәжбүр, бұл рөлді түпнұсқада Вупи Голдберг сомдаған. Бақытсыз Силия туған әкесінің күңі болып, қиналып жүреді, әкесі оны балалыр мен сіңлісінен айырады, кейін Силия өзінің қатал күйеуіне құлдыққа кетеді. Бірақ, бір күні әйелдің өмірінде құрбысы пайда болады, соның арқасында ол тәуелсіздік пен бостандыққа бағытталған өмірдегі өз жолын табады.
.jpg)
пікірлер жоқ, бірінші болыңыз
Пікір қалдыру үшін