«Қыз» шет тіліндегі үздік фильм ретінде Бельгияның атынан «Оскарға» ұсынылды
Режиссер Лукас Донттың «Қыз» драмасы шет тіліндегі үздік фильм ретінде Бельгияның атынан «Оскарға» ұсынылды. Биылғы Канн фестивалінде таспа төрт жүлдеге ие болды. Донттың өзі үздік режиссерлік дебют үшін ұсынылатын Алтын камераны иеленді.
«Қыз» сюжетінің негізінде кәсіби балерина болуды армандаған трансгендерлі жасөспірім хикаясы жатыр. Лукас Донттың таспасын арнайы бельгиялық комитет «Оскарға» ұсынуға лайықты деп іріктеп алды. «Ерекше көзқарас» байқау бағдарламасындағы әлемдік тұсаукесерден соң фильм сыншылардың біріңғай мақтауына ие болды.
Netflix стримингті қызметі «Қыздың» Солтүстік Америкадағы көрсетілімі құқығын сатып алды, сондай-ақ көрсетілім құқығын Ұлыбритания мен Ирландия өкілдері иеленді. Қыркүйекте Торонто фестивалінде Донт фильмінің тұсауы американдық және канадалық көрермендер үшін кесіледі. Еуропада Бельгиядан өзге, «Қызды» француздық және голландық киносүйер қауым көре алады.
пікірлер жоқ, бірінші болыңыз
Пікір қалдыру үшін