Джордж Миллер «Ессіз Макс: Қаһарлы жол» фильмінің табысына қатысты Warner Bros.-ке шағым түсірді
Режиссер Джордж Миллер 2015 жылдың хиті болған «Ессіз Макс: Қаһарлы жол» фильмінің табысына қатысты Warner Bros.-ке шағым түсірді.
«Негізі, сценарий жұмысы мен түсірілім дайындықтарына 10 жылдай уақыт кетірген еңбегіміз және фильм өндірісіне жұмсалған 3 жыл үшін лайықты табыс алуымыз керек қой. Осыншалықты ауыр жұмысымыз бағаланып, картина тамаша ықыласқа бөленді»,-дейді Миллер өндірістік компаниясының өкілі.
Келесі жолы мынадай әңгіме қосылды: «Бізге Warner Bros.-пен соттасқаннан гөрі, бірігіп фильм түсірген ұнайды, бірақ бір жыл бойы барлығын бейбіт түрде шешуге тырыстық, ақыры болмаған соң соттасуға тура келді».
Warner Bros. былай деп жауап берген: «Біз келіспейміз, сондықтан барынша қорғануға тырысамыз».
Миллердің Warner Bros.-пен «Ессіз Макс: Қаһарлы жол» фильміне қатысты жасалған келісімінде мынадай шарт болатын, яғни фильм өндірісінің қорытынды құны қосымша шығынды есептемегенде, 157 миллион доллардан кем болмаса, 7 миллион доллар көлемінде сыйақы төленуі тиіс.
«Ессіз Макс: Қаһарлы жолдың» жалпы жинағы әлем бойынша 380 миллион долларға жуық болды.
пікірлер жоқ, бірінші болыңыз
Пікір қалдыру үшін