«Тақтардың ойыны» хикаясының соңғы маусымы ең қысқа нұсқа болмақ
Қазіргі таңда, «Тақтардың ойыны» («Игра престолов») шоуының танымал болып жатқандығы жасырын емес. Дегенмен, келесі жыл жоба үшін соңғы жыл болмақ, өйткені соңғы сегізінші маусымы шығады. «The Hollywood Reporter» басылымының хабарлауынша, ол маусым алты эпизодтан тұрады екен. Бұл ақпарат бұрын да айтылып жүрген. Бірақ, HBO өкілдері ресми түрде растамаған еді.
Негізі, хикаяның жетінші маусымы 2017 жылы шілде айының ортасында шығатыны белгілі. Ол жақта жеті эпизод болады. Бұл «Тақтардың ойыны» хикаясының алдыңғы маусымдарына қарағанда, аздау болып тұр.
Дегенмен, жоба негізгі оқиғаның спин-оффтары ретінде жалғаса бермек. HBO жалғасының төрт сценарийін күтіп жүр. Ол «Мұз бен Оттың жыры» («Песнь Льда и Пламени») туындысының екінші қатардағы кейіпкерлеріне арналады. Жазушы Джордж Р.Р. Мартин өзінің Twitter парақшасында аталмыш тақырыпқа байланысты бесінші тележобаның болу мүмкіндігін жазған.
1 пікір
Пікір қалдыру үшін
Мырзахмет
29 мамыр 2017, 21:42Будет жестокое сражение. Главное правду не перегибать палку.