«Көліктер 3» анимациялық фильмінің соңғы трейлері
«Көліктер 3» фильмінің жаңа әрі соңғы трейлерінде белгілі жарысушы Найзағай МакКуин жаңашылдықпен танысып, біраз қартайып қалғанын түсінеді. Енді оның Джексон Дауыл атты мықты қарсыласы бар. Осылайша, Найзағай орта жастағы күйзеліске тап болады. Бір қарағанда, Найзағай жарқырап жүріп, жарыстарда ылғи жеңіске жететін. Бірақ, Найзағай МакКуин мінсіз еместігінің және біраз артта қалып қойғандығынан жаңашылдыққа ілесе алмай қалады. Әлемде жаңа көліктер пайда бола бастады. Солармен салыстырғанда Найзағай бұрынғыдай әйгілі әрі жылдам емес. Дегенмен, кейіпкер жеңілмеуге тырысады, өйткені ол аңыз ғой. Осы кезде Найзағай жас әрі өте дарынды механик Круз Рамирезге көмек сұрап келеді. Ол кісі өз ісінің нағыз майталманы екен. Найзағайды үздіктердің қатарына қайта оралту үшін барын салып, жоспар құрады. Оның үстіне, жеңіске жету үшін МакКуинге қарсыластарының қандай әлсіз тұстарын пайдалану керектігін үйретеді.
Тұсаукесері 15 маусымда болмақ.
пікірлер жоқ, бірінші болыңыз
Пікір қалдыру үшін