«Гринч»: алғашқы дубляждалған трейлер Рождествоға бағытталған шынайы қауіпті көрсетеді
Illumination және Universal жаңа жылдық мерекелік «Гринч» мультфильміне арналған алғашқы трейлерді ұсынды. Сұрықсыз, таудың басында өмір сүретін жасыл Гринчтің дауысын Бенедикт Камбербэтч («Дәрігер Стрэндж», «Франкенштейн») дыбыстайды. Ол өз дауысының арқасында кейіпкерінің Жаңа жыл мен Рождествоға қауіп төндіретінін көрсетеді. Роликте Гринч Фаррелл Уильямстың «Happy» әнін үздіксіз шырқайтын оятқыштың дыбысынан оянады. Бұл әуен Illumination-ның «Мен жексұрынмын 2» мультфильмінде шырқалған әрі «Оскар» жүлдесін иеленген. Ызалы Гринчтың өмірде бір ғана мақсаты бар - арамза болу. «Біз бүгін әдемілеп былғаймыз»,- дейді Гринч Камбербэтчтің дауысымен.
Гринч таңертеңгі бір шыныаяқ копучинодан кейін жамандық пен зұлымдық жасауға супермаркетке барады. Ол - барлық сатып алушылар үшін нағыз жасыл түсті қауіп. Ол өзінің Гринч №1 зұлым және оған тең келер қарсылас жоқ екенін білдіретін әуезді әуені ылғи ойнап тұрады. Сондай-ақ, трейлер жасыл құбыжықтың толықтай сенімді досы Максты көрсетеді. Аққалаға ренжіген Гринч пен Макс Рождество кезінде қала тұрғындарына жаман әрекеттерін көрсетуге дайындалады. «Гринч» 2000 жылғы түпнұсқалық фильмнің ремейкі екеніне қарамастан, фильм авторлары Джим Керридің қатысуымен және оның ерекше әртістік стилімен түсірілген таспаның табысын барынша қайталауға тырысқан секілді.
«Гринч» анимациялық комедиясы ауқымды айналымға осы жылдың 27 желтоқсанынан бастап шығады.
пікірлер жоқ, бірінші болыңыз
Пікір қалдыру үшін