«Қорғаушылар»: шамшырақтағы үшеу
Saban Films студиясы режиссер Кристоффер Нюхольмнің («Табу» және «Өлім» хикаялары) «Қорғаушылар» психологиялық триллерінің ресми трейлерін ұсынды. Таспа сюжеті негізіне XX ғасырдың басында Шотландияның маңында орналасқан аралдың бірінде болған шынайы оқиға арқау болған, ол аралда шамшырақ орнатылған еді. Күні бүгінге дейін сол шамшырақтағы үш қорғаушының не себепті жоғалып кеткені белгісіз, ал оқиғаның өзі көптеген құпиялар мен гипотездің негізіне айналды.
«Қорғаушылардың» сюжеті бойынша елсіз аралға үш шамшырақ қорғаушысы келеді, олардың рөлдерін Джерард Батлер («Хантер Киллер», «Ұрыларды ұстау»), Питер Муллан («Достар емес», «Озарк» хикаясы) және Коннор Суинделлс сомдайды. Бұл адамдар алты апталық вахтаға келген. Олар тыныш әрі қалыпты еңбекке толы өмір сүре бастайды. Алайда, кенеттен олар біреулер жасырып қойған бір жәшік алтынды тауып алады. Бұл жағдай үш еркектің жоғалуына сеп болады. Алтынның жарқылынан көздері соқыр болған ерлер оқшауланған жерде тірі қалудың қамын жасайды, қызғаншақтыққа ұрынады, естерінен адасады.
«Қорғаушылар» психологиялық триллері 2019 жылдың 4 қаңтарынан бастап айналымға шығады. Афишамызды қарап жүріңіздер.
.jpg)
пікірлер жоқ, бірінші болыңыз
Пікір қалдыру үшін