Канн-2018: Мохамед Бен Аттиа «Қымбатты ұлым» драмасын ұсынады

8 Мамыр, 2018
BrodKaz
759
0

2016 жылы Тунистік режиссер Мохамед Бен Аттианың «Хеди» атты жұмысы Берлин кинофестивалінде көзге түсіп, бірден екі жүлдеге ие болған еді. Бұл таспа үздік дебютті жұмыс деп танылды, ал басты рөлді сомдаған Маджд Мастур үздік ер азамат рөлі үшін Күміс аюды иеленді. Қазіргі Канн фестивалі үшін Аттиа екінші жобасын, «Қымбатты ұлым» драмасын дайындап келіпті, фильм «Режиссерлардың жарты айлығы» аясында көрсетіледі.

Бұл таспаның сюжеті бойынша басты кейіпкер Риад Тунис портының бірінде жүк көтергіш операторы болып жұмыс істейді. Ол бұл жұмыстан жалығып, шығып кеткісі келеді. Риад пен жары Нэзли жалғыз ұлдары Самиге көп көңіл бөледі, ұлдары орта мектеп курсының емтихандарын тапсыруға дайындалып жүреді. Самидің басы жиі ауырады, ата-аналары да бұған қатты алаңдаулы. Ауруы басыла бастағанда, ұлдары кенеттен жоғалып кетеді...