Канн-2018: «Сын апталығы» аясында «Фуга» поляк фильмінің тұсауы кесілді
Канн фестивалінде «Сын апталығы» аясында «Фуга» поляк фильмінің тұсауы кесілді. Режиссер Агнешка Смочиньсканың («Би қыздары») жұмысы есінен айырылған әйелдің қызықты саяхаты туралы баяндайды. «Фуганың» басты кейіпкері Алиция (Габриэла Мускаланың тамаша рөлі, «Өмір сүруге құлшыну», «Волынь») есінде жоқ бұрынғы өмірін қайта сүруге тырысады.
«Фугада» көрермен Алицияның Варшава орталық вокзалына келген кезде әдемі әрі кірпияз түрін бірінші рет көре алады. Одан кейін, Агнешка Смочиньска басты кейіпкерді екі жыл өткен соң, қысқа шашымен және расында өзінің кім екенін ұмытып қалған әйел ретінде көрсетеді. Оған диссоциативті фуга диагнозы қойылады, бұл аурудың салдарынан Алиция белгісіз жерлерге саяхат жасайды, әр саяхат сайын есімінен бастап, өзі туралы барлық мәліметті ұмытып қалады.
Алицияның отбасы оны телевидениедегі арнайы бағдарламаның көмегімен табуға тырысады. Ол өзінің шын есімі Кинга екенін, күйеуінің (Лукаш Симлат, «Махаббаттың құрама штаттары») және бес жасар ұлының барын біледі. Алғашында басты кейіпкер «жаңа» отбасынан тезірек алыстап кетуге тырысады, бірақ өзінің туғандары екенін сезген соң, жаңа адамдармен өмірі қызықты бола бастайды.
Басты рөлді сомдаған Габриэла Мускала жазған «Фуганың» сценарийі американдық тәуелсіз кино дәстүріне сай болып келетін хоррорды еске түсіреді. Бірақ, режиссердің арқасында сюжеттің барлық нәзік қырлары бір бүтінге айналған. Агнешка Смочиньска мағынасы тереңде жатқан эмоцияға толы көріністерді түсіре біледі, сондай-ақ таспасында шашың тік тұратындай атмосфераны орната алады. Алицияның ауруы арқылы қиын жағдайда қалған әйелдің ішкі дағдарысы көрсетіледі.
.jpg)
пікірлер жоқ, бірінші болыңыз
Пікір қалдыру үшін