Карловы Вары-2018: Дарья Жуктың «Хрусталь» таспасы «Батыстан Шығысқа қарай» байқау көрсетілімін ашты

2 Шілде, 2018
BrodKaz
1 193
0

Чехиядағы биылғы Карловы Вары фестивалінде белорус режиссері Дарья Жуктың «Хрусталь» таспасы «Батыстан Шығысқа қарай» байқау көрсетілімін ашты. Бұл жұмыс Белоруссия атынан «Оскардың» байқау бағдарламасына шет тіліндегі үздік фильм ретінде ұсынылды. Алина Насибуллинаның («Витька Сарымсақ Леха Штыряны мүгедектер үйіне қалай апарды») жарқын жұмысы барлығын – аңқаулық, бейғамдық және жасөсіпірімдер көтерілісін бірден көрсетеді, осыныңбарлығы КСРО құлаған соң, елдің даму индикаторына айналған еді.

«Хрустальда» Насибуллина АҚШ-қа көшіп кетіп, бүкіл әлемге танымал болғысы келетін ди-джей қыз Велянің рөлін сомдайды. 90-жылдары Белоруссияда мұндай арман шынайылықтан алыс еді. Веля виза алу үшін өтініш толтырып, телефонның кез-келген нөмірін жаза салады. АҚШ елшілігі осы нөмірге хабарласатынын білген соң, ол бұрын-соңды көрмеген жанұя тұратын кішігірім фабрика қаласына тап болады. Ол ауылдық жерде жүріп, бостандықты қалайды, тұратын орнын жылдам ауыстырғысы келеді.

Басынан бастап Веля сұр көріністер мен кеңес дәуіріндегі ескерткіштердің арасында жарқын түсті шашы мен киімдері арқылы ерекшеленеді. Дарья Жук ылғи түстердің кереғарлығын жасайды, Веля пайда болған жердің барлығы жаңа әлемге бөленеді, 90-жылдары танымал болған «хаус» би стилін сезіндіреді. Дегенмен, «Хрустальда» ауқымды сатира элементі бар, сол арқылы көрерменге бостандықтың, жаңа образдың және жаңа құндылықтардың маңызын көрсетіп, сонымен қатар өткенді де ұмытуға болмайтынын тұспалдайды.