2017 жылғы кассалық жеңістер мен жеңілістер: 3 бөлім
Жеңіс: Marvel
Marvel Studios-тың фильмдерінің соңғы он жылда керемет жинаққа қол жеткізіп келе жатқанына ешкім күмәндана қоймас. «Неге дәл солар?» деген сұрақ туындайды. Жауабын жыл қорытындысы бойынша санмен бере кетсек, Marvel тұсаукесерлі аптада үш фильмі 100 миллионнан астам доллар жинаған биылғы жылдың ең бірінші студиясы атанды. «Қара Ілбісін» мен «Кек алушылар: Мәңгілік соғыс» картиналарымен бірге бұл рекорд бес таспаға дейін көбеюі мүмкін.
Жеңіліс: Түнек Әлем
5 миллиард доллардан астам жинағымен Universal үшін бұл жыл табысты болған сияқты, бірақ компанияның сүйікті ұлы – Түнек Әлем жеңіліске ұшырады. «Мумия» беделге нұқсан келтірді. Компанияның сенімді жарнамасына және жұлдыздардың қатысуына қарамастан, бұл таспа халықаралық айналым есебінде ғана табысты болды, себебі «Мумия» АҚШ-та жеңіліс тауып, бар-жоғы 80 миллион доллар тапқан. Бес айдан соң Түнек Әлемді басқарған режиссер Алекс Куртцман және Крис Морган қызметтен шеттетілді.
пікірлер жоқ, бірінші болыңыз
Пікір қалдыру үшін