Кианудың марғауы Киану Ривзтың дауысымен сөйлейтін болады
Фильмнің оқиғасы сүйктісі тастап кеткен жігіт жайлы, ол үйіне кездейсоқ кіріп кеткен марғаудан жұбаныш табады. Біраз уақыт өткеннен кейін жігіттің үйін тонап кетеді және марғауды да ұрлап әкетеді. Сол кезде жігіт өзінің достарының қолдауымен сүйікті мысығын құтқаруға бел байлайды. Кішкентай марғаудың аты Киану деп кездейсоқ қойылмаған. Мұнда «Джон Уик» фильміне сілтеме жасалған, онда Киану Ривз басты рөлде ойнайды. Сюжет бойынша киллер өзінің сүйікті итін өлтіріп кеткен орыс баскесерлерінен кек қайтарады. Түсірілім жетекшісі Питер Атенсь о о баста Киану Ривзке хабарласып, марғауды дыбыстауға ұсыныс жасаған, бірақ актер бас тартыпты. Одан кейін фильмнің алғашқы трейлері шығады. Сол кезде актердің әпкесі Киану Ривзге тизерді көрсетіп, оған қатысуға келісім беруге үгіттепті. Осыдан кейін Ривз фильмді жасаушыларға өзі хабарласады. Дыбыстау Skype арқылы жүзеге асырылды, өйткені Киану Ривз Италияда «Джон Уик» фильмінің жалғасына түсіп жатыр.
пікірлер жоқ, бірінші болыңыз
Пікір қалдыру үшін