«Қылмыстық оқиға»: фильм түсірілген үй сатылымға қойылды
Режиссер Квентин Тарантиноның ең танымал фильмдердің бірі – «Қылмыстық оқиға» түсірілген үй сатылымға қойылды. Хабарландыруда сөзбе-сөз төмендегіше баяндалады: бір отбасыға арналған үйдің үш жатын, екі жуынатын бөлмесі бар, ол Калифорниядағы Студио-Ситиде орналасқан және жанында көптеген әдемі дүкендер мен мейрамханалар бар. Және де уайымдамаңыздар – фильмдегі мәйіт әлдеқашан алынып тасталған.
Жылжымайтын мүліктің сатылымына қатысты мәліметті брокерлік компания The Agency орналастырды. Үй 1936 жылы салынған. Сондай-ақ, хабарландыруда былай делінген: «классикалық «Қылмыстық оқиға» фильмінде бұл үйде Квентин Тарантиноның өзі сомдаған Джимми кейіпкер тұрған». Дәл осы Джиммидің өзі екі кісі өлтіруші - Жюль (Джон Траволта) мен Винсентке (Сэмюэл Л.Джексон) барған болатын. Таспаның сюжеті бойынша олармен бірге жасырғысы келген мәйіт те бар.
«Қылмыстық оқиғадағы» үйге ұсынылған баға - 1 395 000 АҚШ доллары.
пікірлер жоқ, бірінші болыңыз
Пікір қалдыру үшін