«Жаз»: Канн фестиваліндегі тұсаукесерден соң авторлар сөйледі
19 мамырда «Жаз» фильмінің музыкалық продюсерлері Рома Зверь мен Герман Осипов («Звери» тобы) Канн кинофестивалінде фильмнің үздік саундтрегі мен музыкалық әрлеуі үшін Cannes Soundtrack Award жүлдесіне ие болды. Рома Зверь фильмдегі басты рөлдердің бірі, «Зоопарк» тобының көшбасшысы Майк Науменконы сомдады, ал Герман Осипов аттас топтың гитаристін ойнады. Бір қызығы, музыканттар өмірде Рома Зверь негізін қалаған бір топта өнер көрсетеді.
«Бұл фильмнің танымал, белгілі тұлғалар жайлы болғанына қарамастан, менің ойымша, ол жақсы мағынада авторлық әрі терең, жеке картина болған сияқты, - деді продюсер Илья Стюарт. – Бұл режиссердің өз махаббатын білдіруі, көрермендер үшін күтпеген жағдай болуы да мүмкін».
«Бұл фильм достық, махаббат туралы, адамдар арасындағы шынайы, адал әрі аңғал қарым-қатынас жайлы», - деп есептейді Майка Науменко рөлін сомдаған Рома Зверь.
«Жанның күн секілді жарықтығы жайлы», - деп қоса кетті оператор Влад Опельянц.
«Бұл фильм – түрлі мәдениеттің жаңа, ерекше әрі ғажап дүниені құрғанда, бір жағдайлармен бетпе-бет келетін белгісі секілді, - деп топшылады Виктор Цойдың рөлін сомдаған Тео Ю. - Виктор Цойдың шығармашылығы американдық рок-мәдениеттен шабыт алды, орыс поэзиясынан және корей ділінен шырайланды. Цой және оның музыкасы барлығымыздың басымызды қосып, кино тарихында ешкім көрмеген жарқын фильм жасауымызға шабыттандырды. Цойдың музыкасы мен фильмі болашақ ұрпақты әлі де шабыттандырады деп үміттенемін».
«Бұл фильм жастық пен бостандықтың синоним болуы тиіс екені жайлы. Сонымен қатар, кез-келген уақытта, кез-келген қоғамда жастық пен дарынның арқасында ештеңеден қорықпайтын, терең ойланып, жоғары талаптарға ұмтылатын адамдардың бар екендігі туралы. Дәл сол адамдар келесі ұрпаққа жалғасатын мәдениетті дүниеге әкеледі», - дейді сценарий авторлары Михаил мен Лили Идовтар.
«Жаз» Meloman Entertainment компаниясының таратуымен 2018 жылдың 7 маусымында айналымға шығады.
пікірлер жоқ, бірінші болыңыз
Пікір қалдыру үшін