«Мэри Поппинс қайта оралады»: барлығы мүмкін

28 Қараша, 2018
BrodKaz
1 501
0

«Мэри Поппинс қайта оралады» картинасының шығармашылық ұжымы Disney-мен 2011 жылы «Кариб теңізінің қарақшылары: Біртүрлі жағалауларда» жобасында және 2014 жылы «Әрі қарай орманға» мюзиклінде серіктес болған. Келесі жобасы ретінде студия оларға Памела Линдон Трэверстің басқа жеті кітабындағы бай материалды пайдалана отырып, өзінің жарқын әрі танымал туындылардың бірі, «Мэри Поппинс» фильмінің сиквелін түсіруді ұсынды. 1964 жылғы классикалық картина үш кинематографшының тізімінде сүйікті туынды ретінде тұр, сондықтан жалғасының режиссерінің Роб Маршалл болатынына ешкім күмән келтірген жоқ.

«Мэри Поппинс» - бала күнімде алғаш көрген толықметражды фильм, ол шытырман мен қиялға толы ғажайып музыкалық кино әлеміне көзімді ашты. Памела Трэверстің әйгілі туындысының жалғасын экрандауды басқаруға шақырғаны үшін Disney студиясына алғысым шексіз. Бұл мен үшін үлкен құрмет. Мен әрдайым экранда мюзикл қоюды армандайтынмын, енді маған балалық шағымдағы классикалық киномюзиклмен айналысуға мүмкіндік берілді», - деді «Эмми» жүлдесінің лауреаты және «Оскар» жүлдесінің номинанты Роб Маршалл.

«Әрі қарай орманға», «Тоғыз» және «Чикаго» сынды қойылымдардың табысты кинонұсқаларының хореографы әрі режиссёрі болған сахналық режиссёр әрі хореограф Маршалл мұндай материалмен қалай жұмыс істеу керектігін жақсы біледі.

«Мэри Поппинс хикаясы табиғатынан классикалық бағытқа жатады. Оның негізінде классикалық музыкалық кинематография болуы тиіс, сонымен қатар заманауи және тірі картина болғаны жөн. Роб – мұндай коктейльдерді араластырудың шебері. Ол педанттық амал табады және әрдайым ымыраға келмей, мінсіздікке ұмтылады. Ол әр кадрдан, әр сахнадан, әр музыкалық нөмірден ғажайып іздейді», - деді «Эмми» жүлдесінің лауреаты әрі «Оскар» жүлдесіне екі мәрте ұсынылған продюсер Марк Платт («Ла-Ла Ленд», «Тыңшы көпірі»).

Платт сөзін әрі қарай жалғады: «Ең маңыздысы, Роб актерларға өмір береді. Олардың кейіпкерлері тіріледі, себебі ол актёрларға сенімділік ұялатып, олардың барынша беріліп жұмыс істеуі үшін тиісті ауанын қалыптастыра алады».

«Мэри Поппинс қайта оралады» отбасылық фантастикалық мюзиклі 2019 жылдың 3 қаңтарынан бастап айналымға шығады. Афишамызды қарап жүріңіздер.