«Орындалмайтын міндет: Салдары»: Том Круз әлемдік тұсаукесерде Парижге деген махаббатын білдірді
Том Круз «Орындалмайтын міндет: Салдары» фильмінің әлемдік тұсаукесерінде Парижге деген махаббатын білдірді. Таспа киносыншылар тарапынан және әлеуметтік желіде көптеген жағымды пікірлерге ие болды. Бейсенбі күні франшизаның кезекті бөлімінің париждік тұсаукесері өтті. Эйфель мұнарасының аясындағы тамаша күні актер өзінің жаңа фильмі арқылы Жарық Қаласына деген махаббатын білдірді.
Том Крузбен бірге тоғыз фильмде жұмыс істеген режиссер Кристофер МакКуорри «Орындалмайтын міндет: Салдары» фильмінің көп бөлігін Парижде түсіру идеясы бүкіл қаланы шулатқан 2015 жылдың қарашасындағы лаңкестік шабуылдан кейін туындағанын мәлімдеді. «Мен осында болып жатқан оқиғаны үйде отырып, ТВ арқылы көрдім, жүрегім ауырды. Ол мен білетін Париж емес еді. Мен тез арада Томға қоңырау шалып, Парижде фильм түсіргім келетінін айттым. Көпшілігі бізге қауіп төнеді деп алаңдады. Бірақ, Том былай деді: «Біз бүкіл әлемге қауіпсіздіктің не екенін көрсету үшін бара жатырмыз», - деп бөлісті көрермендермен режиссер.
Круз қоса кетті: «Бұл біздің сіздерге арналған махаббат хатымыз екенін білгендеріңізді қалаймыз». Актер Опера даңғылының бойымен сағатына 120 километр жылдамдықпен мотоциклде жүріп өтудің «кереметтігін» жеткізді. Қуу көріністері үнемі түрлі жерлерде түсірілетін, жылдам ауыстырылатын кадрлар арқылы жасалады ғой, ал «Орындалмайтын міндет: Салдары» картинасында барлығы қосымша локацияларсыз түсірілген, оны көзі қырағы париждықтар да байқады. Кристофер МакКуорри түсірілім барысында Париж бойымен мотоциклде құстай ұшып өтуге рұқсат беріп, сабырлық танытқандары үшін мәдениет министрлігіне және полицейлерге алғысын білдіретінін жеткізді.
«Орындалмайтын міндет: Салдары» шытырман оқиғалы атыс-шабыс фильмі 2018 жылдың 26 шілдесінен бастап айналымға шығады. Афишамызды қарап жүріңіздер.
пікірлер жоқ, бірінші болыңыз
Пікір қалдыру үшін