Эми Уайнхаус жайлы өмірбаяндық фильмнің жұмыстары басталды
2011 жылы өмірі қайғылы жағдаймен аяқталған Эми Уайнхаус жайлы өмірбаяндық фильмнің жұмыстары басталды. Әншінің отбасы Monumental Pictures студиясымен экрандау құқығына қатысты келісімге қол қойды. Элисон Оуэн («Раушан безгегі», «Сенімен кездескенше») мен Дебра Хейуорд («Бриджит Джонс 3», «Шеттетілгендер») әндері тұтастай бір қауым адамдар үшін саундтрекке айналған XXI ғасырдың басындағы ең танымал әншінің бірі туралы музыкалық драмаға продюсерлік етеді. Эми Уайнхаус жайлы байопиктің түсірілімі 2019 жылы басталмақ. Сценарийге қатысты жұмысқа Джофф Дин («Қыздағы бала», «Обалы боттар») шақырылды.
Болашақ фильмнің айналымынан түскен қаржының көп бөлігі ішкіштер мен нашақорларды емдеу үшін құрылған Эми Уайнхауз қорына беріледі деп жоспарлануда. Эмидің әкесі Митч Уайнхаус ресми мәлімдемесінде өмірбаянды экрандау құқығына қатысты әңгімелердің бүкіл отбасы мүшелерімен бірнеше рет жүргізілгенін хабарлады: «Қызымыз жайлы фильм түсіру уақытының келгеніне біраз күмән келтіріп жүрдік. Бірақ, қазір Эмидің ерекше өмірі мен дарыны туралы бар шындықты айтуға дайынбыз. Біз Эми Уайнхауз қорын жақсы білеміз, Эмидің тәуелділікке қатысты шынайы хикаясы қазір осындай мәселеге тап болғандардың көпшілігіне көмектесуі мүмкін».
.jpg)
пікірлер жоқ, бірінші болыңыз
Пікір қалдыру үшін