АҚШ-тың Ұлттық киносыншылар кеңесі «Жұмбақ құжаттаманы» жылдың үздік фильмі деп атады
Стивен Спилбергтің «Жұмбақ құжаттама» фильмі АҚШ-тың Ұлттық киносыншылар кеңесінің нұсқасы бойынша жылдың үздік фильмі атанды. Бұл жаңалық сейсенбі күні хабарланды.
Үздік ондыққа кірген фильмдердің қатарында «Құс ханым», «Аулақ», «Флорида» жобасы» және «Туындыгер қайғы» картиналары бар.
Сондай-ақ, АҚШ-тың Ұлттық киносыншылар кеңесі осы жүлдеге лайықты бірнеше фильмдерді атап өтті. Олар – «Көңілді балақай», «Қысқасы» және «Логан». Сонымен қатар, сыншылардың сүйіктілерінің қатарына Мартин МакДонның «Миссури, Эббинг шекарасындағы үш биллборд», Гильермо дель Тороның «Су қалыбы» және Джо Райттың «Күңгірт кезеңдер» таспалары енді.
«Үздік актер» номинациясын «Жұмбақ құжаттама» фильміне түскен Том Хэнкс және «Үздік актриса» номинациясын Мерил Стрип жеңіп алды. Уиллем Дефо «Флорида» жобасы» үшін «Екінші қатардағы үздік актер» жүлдесін және Лори Меткаф «Құс ханым» үшін әйел номинациясына ұқсас жүлдені жеңіп алды. «Жыл жаңалығы» жүлдесіне «Мені өз атыммен аташы» рөлі үшін Тимоти Шаламе ие болды. «Коко құпиясы» үздік мультфильм, ал «Мен, Джейн Доу» үздік деректі фильм, «Фокстрот» үздік шетелдік фильм атанды.
АҚШ-тың Ұлттық киносыншылар кеңесі кейін "Оскарға» ие болып жататын жұмыстарды марапаттайды. Былтырғы жылы сыншылар таңдаған тоғыз фильмнің жетеуі, ал оның алдында сегіз фильмнің бесеуі сәйкес келді. Соңғы бес жылда жұмыстың жалпы санының үштен екісі -43-тен 28-і – алғашында АҚШ-тың Ұлттық киносыншылар кеңесінің тізіміне енген.
пікірлер жоқ, бірінші болыңыз
Пікір қалдыру үшін