Натали Портман егіздер туралы фильмнің бас жұлдызы әрі режиссері болмақ
Натали Портман («Аннигиляция», «Джеки») егіздер Полин мен Эстер Фридман жайлы әзірге нақты атауы жоқ өмірбаяндық фильмнің бас жұлдызы әрі режиссері болмақ.
Әпкелі-сіңлілер 1918 жылы дүниеге келген. 1956 жылы Полин Фридман San Francisco Chronicle газетінің пайдалы кеңестер айдарында Эбигейл Ван Бурен лақап атымен жұмыс істей бастады. Оның егіз сіңлісі Эстер осыдан бір жыл бұрын Chicago Sun-Times-та соған ұқсас «Энн Лэндерстен сұраңыз» айдарына өткен болатын, ол жақта да лақап атпен жарияланып жүрді.
Әпкелі-сіңлі Фридмандар баспасөзде күнделікті өмірге қажетті пайдалы кеңестерді жариялайтын бәсекелеске айналды. Олар өмірлерінің соңына дейін жауласып өтті. Натали Портман жобада қос қызды сомдайды. Әзірге өндірістің басталар уақыты нақтыланбады.
Кэти Роббинс («Соңғы магнат» және «Көңілдестер» хикаялары) сценарий жазып қойды. 2015 жылы Портман сыншылардың түрлі сынына іліккен «Махаббат пен түнек жайлы повесть» драмасымен режиссурада дебют жасады. Жақында Венециядағы Халықаралық фестивальде осы актрисаның қатысуындағы «Vox Lux» музыкалық драмасының тұсауы кесіледі.
пікірлер жоқ, бірінші болыңыз
Пікір қалдыру үшін