«Мазасыздар»: мұрағаттан Мэрилин Монроның қатысуындағы эротикалық көрініс табылды
Мұрағаттан әйгілі Мэрилин Монроның («Джазда тек қыздар ғана», «Миллионерге қалай тұрмысқа шығуға болады») соңғы түскен, экранға қайтыс болған соң шыққан 1961 жылғы «Мазасыздар» толықметражды фильмінен өзінің қатысуындағы эротикалық көріністер табылды. Чарльз Касилло «Мэрилин Монро: Қоғам бейнесінің жеке өмірі» атты алдағы кітабымен айналысқан кезде таспаның сақталғанын білді. Франк Тэйлордың ұлы, «Мазасыздардың» продюсері 1999 жылы әкесі қайтыс болған соң оны сейфте сақтаған.
Екі «Оскар» мен осы беделді жүлденің көптеген аталымдарына ие болған фильм режиссері Джон Хьюстон («Сьерр Мадренің қазыналары», «Патша болғысы келген адам») сол көріністі «Мазасыздарда» артық деп санаған. Ол көріністі картинаның соңғы нұсқасына қоспауды жөн санады, ол жақта Монродан бөлек, басты рөлдерді Кларк Гейбл («Желмен ғайып болғандар», «Бұл бір күні түнде болған») мен Монтгомери Клифт («Нюрнберг процессі», «Мен ғибадат етіп алайын») сомдаған. Сценарийін Мэрилин Монроның сол кездегі күйеуі Артур Миллер жазды.
Егер монтаж барысында бұл көрініс «Мазасыздарға» енсе, экранда алғаш рет ірі голливуд студиясынан дыбыс киносында толықтай жалаңаштанған американдық актриса пайда болған кездегідей, үлкен дау туындар еді.
«Содан бері көп уақыт өтті және пайдаланылмаған үзінділер жарамсыз болып қалды. Бірақ, Франк Тэйлор авторлардың жаңашылдығының арқасында бұл таспаның маңызды болғанын шамалады, сондықтан ол оны құтқарып қалған. Егер сіз сценарийді оқысаңыз, ол жақта жалаңаштану жайлы ештеңе айтылмаған. Мэрилин сол көрініске түскен кезде, барлығы таң қалды. Бірақ, Хьюстон күрсініп, былай деді: «Сүйкімдім, мен мұның барлығын бұрын көргенмін». - Гейбл мен басқалары көріністің фильмде қалғанын қалады. Ал Хьюстон оның мүлдем керек еместігін сезді», - деді Тэйлордың ұлы Кертис.
.jpg)
пікірлер жоқ, бірінші болыңыз
Пікір қалдыру үшін