«Звезда родилась» фильмінің түсірілімінен алғашқы кадрлар
Кеше басты рөлдерді Леди Гага мен Брэдли Купер сомдаған «Звезда родилась» фильмінің түсірілімі басталды. Туынды бұрындары дәл осындай атпен шыққан, алдымен Джуди Гарланд, кейіннен Барбара Стрейзанд ойнаған картинаның ремейкі болып табылады. Сюжет желісі біреуінің «жұлдызы» жанып тұрған, енді бірінің атағы бәсеңсіп қалған шақта кездесіп қалған екі танымал адамдардың оқиғасын баяндайды.
Желіде «Warner Bros.» студиясының арқасында түсірілім алаңынан алғашқы кадрлар пайда болды. Ол жақта Леди Гага микрофонмен ән айтып тұрса, қолында гитарасы бар Брэдли Купер оған мақтанышпен қарап тұрады.
Айта кетерлігі, фильмде Леди Гага өзінің шын есімі Стефани Германотта ретінде таныстырылады. Ал Брэдли Купер алғаш рет өзін режиссер ретінде сынап көрмек.
Оқиға кантри-әуенінің танымал музыканты Джексон Мейннің және болашағы бар орындаушы Эллидің өмірін баяндайды. Олар кездесіп, бірге жұмыс істей бастайды. Бірақ, Эллидің жұлдызы жанып тұрған шақта, Джексоннің мансабы төмендей түседі.
Фильмге арнап Леди Гаганың өзі әндер шығарды.
Картинаның тұсаукесері 2018 жылдың 28 қыркүйегінде болады.
пікірлер жоқ, бірінші болыңыз
Пікір қалдыру үшін