«Кариб теңізінің қарақшылары: Өлгендер ертегі айтпайды» фильмі кассалық жинақтан ТМД бойынша керемет нәтижеге қол жеткізді

31 Мамыр, 2017
Мадина
1 580
0

«Кариб теңізінің қарақшылары: Өлгендер ертегі айтпайды» картинасының ТМД мемлекеттері мен Ресейде көрсетілгеніне бір ғана апта өтсе де (27 мен 28 мамыр), фильм 18,6 миллион АҚШ доллар тауып үлгерді. Бұл алғашқы аптада фильм айналымы бойынша ТМД тарихында ең үздік нәтижеге қол жеткізген картина болды!

Ал егер осы сомаға екі күндік фильмнің IMAХ форматы залдарындағы превью-көрсетілімді (23 және 24 мамыр) қоссақ, барлығы 19 миллион АҚШ долларын құрайды.

Франшизаның бесінші жаңа бөлімі де кассалық жинақ тұрғысынан 2006 жылғы «Кариб теңізінің қарақшылары: Марқұмның сандығы», 2007 жылғы «Кариб теңізінің қарақшылары: Жер жүзінің түбінде» және 2011 жылғы «Кариб теңізінің қарақшылары: Біртүрлі жағалауларда» алдыңғы картиналары секілді мықты болып шықты.

Жинақтан бөлек фильм 3,7 миллионнан астам адам жинап, көрермен санынан да рекорд орнатты.

Смартфондардың iTunes және GooglePlay қосымшаларында «Кариб теңізінің қарақшылары: Өлгендер ертегі айтпайды» фильмінің түпнұсқа саундтрегі пайда болды. Ол жақта алдыңғы бөлімдерінен 18 трекпен қатар, мэшап бар. Сонымен қатар, Джеф Дзанеллидің жетекшілігіндегі оркестрдың орындауында классическалық музыкалық тақырып бар. Негізі, Дзанелли — «Эмми» жүлдесінің лауреаты. Оның жұмыстарының арасынан «Алтын глобус» жүлдесінен үміткер болған «Жалғызбасты рейнджер» фильмінің саундтрегін ерекше атауға болады.

Сондай-ақ, альбом құрамына Dimitri Vegas & Like Mike ди-джейлер дуэтінің «He’s a pirate» ремиксі енді.

«Кариб теңізінің қарақшылары: Өлгендер ертегі айтпайды» фильмін үлкен экраннан көріп қалуға асығыңыздар!

Фильмнің ҚР аумағындағы ресми өкілі «Меломан» компаниясы.