«Портал»: ғылыми-фантастикалық фильмі трейлерінің тұсаукесері
Ғылыми-фантастикалық «Портал» драмасының түсірілімі аустралиялық Перт қаласында өтті. Бастапқыда режиссер әрі сценарий авторы Джон В. Сотоның фильмі «Сені екі рет жақсы көремін» деп аталды. Сотоның өзі Аустралияда «Ине» және «Жаза» сияқты қылмыстық фильм мен хоррорлары арқылы танымал. Картинадағы басты рөлдерді Жаклин МакКензи («Су іздеуші», «Соңғы жағалауда»), Майлс Поллард («Керемет демалыс», «Икс адамдар: Басы. Құну»), Хейли МакЭлхинни («Бабадук») және Бен Мортли («Шыңда», «Лантана») сомдады.
«Порталдың» сюжеті күйеуінің қазасына аза тұтып, қатты қайғырған қарапайым бөлшектер маманы, физик әйелді (Жаклин МакКензи) көрсетеді. МакКензидің кейіпкері уақытты кері айналдырып, күйеуін қалай да қайтарып алу үшін революциялық дүниені қолданады. Мұның салдары оның отбасы үшін қорқынышты болмақ.
«Портал» ғылыми-фантастикалық драмасының әлемдік көрсетілімі 2018 жылдың 3 мамырына белгіленген.
пікірлер жоқ, бірінші болыңыз
Пікір қалдыру үшін