«Қашқындар» хикаясының трейлері жарық көрді
Ғаламтор желісінде Marvel комикстерінің аттас топтамасына негізделген «Қашқындар» хикаясының трейлері пайда болды.
«Қашқындар» сюжеті алты тинейджер туралы баяндайды, олар ата-аналарының ірі бір зұлым мекеменің мүшелері екендігін біліп қояды. Алты жасөсіпірімнің барлығы элиталы мектептің оқушылары, бірақ олардың тобы жақын құрбыларының өлімінен кейін бөлініп кеткен. Бір қызығы, ата-аналарына қарсы күрес бұрынғы топты қайта біріктіреді.
Негізі, Marvel-дің мақсаты аудиторияны барынша өзіне тарту екені белгілі ғой, сондықтан экранжа жәй ғана алты адам пайда бола салмайды. Бұл алты типаж аудиторияны өздеріне еріксіз баурап алатын адамдар: қара нәсілді жылы шырайлы жігіт, белсенді қыз, сері жігіт, жас сұлу ару, бойын шаттық кернеген ақылды қыз және готикалық бейнедегі азиат қыз.
Бұл топтаманың алғашқы комикстер шығарылымы 2003 жылы жарық көрген. Жалпы, бұл толығымен Marvel-дің жобасы болып табылады, яғни жобалар желі алыбы Netflix-тің қатысуынсыз пайда болған.
«Қашқындардың» тұсаукесері биылғы жылдың қараша айының соңына жоспарланып отыр.
пікірлер жоқ, бірінші болыңыз
Пікір қалдыру үшін