Торонтодағы кинофестивальдің нәтижелері
Мартин МакДонның қара әзілге толы комедиясы Торонтодағы кинофестиваль көрермендерінің пікірінше үздік деп танылды.
2017 жыл Торонтодағы кинофестиваль үшін тазалау жылы болды. Ұйымдастырушылар бағдарламаны 20%-ға қысқартуды жөп санап, 60 фильмді өшірген. Оның үстіне үлкен экранға сирек шығатын орта бюджетті мейнстримді жүзеге асыру үшін курс алынған.
Кинофестивальде арнайы байқау жоқ, жүлделерді табыстау Торонто қонақтары мен тұрғындарының дауыс беру жүйесі және көрермендердің көзайымы арқылы анықталады. Фильм көрсетілімі болып жатқанда арнайы бокстар қойылады, көрермендер сол жерге дауыстарын салады, сондай-ақ фестиваль қосымшасында да дауыс беруге болады.
Нетижесінде, басты орындар мен сыйлықтар келесідей үлестірілді:
1 орынды Мартин МакДонның «Миссури, Эббинг шекарасындағы үш билборд» қара комедиясы жеңіп алды. Автор фильмнің нағыз көрермендерге ұнап, жоғары баға алғанына, таңдаудың дәл осы картинаға түскеніне қатты қуанды.
2 орынды Марго Роббидің басты рөлді сомдауымен мәнерлеп сырғанаушы Тони Хардинг туралы «Мен, Тоня» байопигі иеленді. Оның режиссері - Крэйг Гиллеспи.
3 орын Луки Гуаданьиноның «Мені өз есіміңмен шақыршы» махаббат хикаясына тиесілі болды.
Торонтодағы кинофестиваль келесі жылы 6-16 қыркүйек аралығында өтеді.
пікірлер жоқ, бірінші болыңыз
Пікір қалдыру үшін