Ридли Скотт «All the Money in the World» атты жаңа жобасына актерларды таңдап жатыр
Бірнеше апта бұрын Ридли Скотт мұнай алпауыты Жан Пол Геттидің немересін ұрлап кеткені туралы түсірілген «All the Money in the World» фильмінің сценарийін экранизациялауға кіріскен. Түсірілім жұмыстары мамыр айында «Чужой: Завет» фильмінің тұсаукесерінен кейін басталмақ.
Сюжет бойынша Римдегі жоғары мәртебелі мектептен шығып кеткен Пол Гетти есімді бозбаланың өмірі мен 70-жылдардағы тұрмыс-тіршілік көрсетіледі.
Оны 1973 жылы 10 шілдеде қарақшылар ұрлап кетіп, 17 млн. доллар ақы талап етеді. Басында туыстары бозбаланың өзінің қитұрқы әрекетінің бірі деп ойлайды, кейіннен барлығы күрделене түседі. Полдың әкесінде мұндай қаражат болмағандықтан, әулеттің басшысына барып сұрайды. Алайда ол да көлемді ақша беруден бас тартады.
1973 жылы күз мезгілінде итальяндық газеттің бірі адам құлағы салынған хат алады. Ұрлаушылар 10 күн ішінде 3 млн. доллар сұрайды, ақырында полиция қарақшыларды ұстап, Полды босатады.
III Пол Гетти осы оқиғадан соң қатты психологиялық күйзеліске түсіп, өмір бойы қиналып өтеді. Ол 2011 жылы 54 жасында қайтыс болады.
пікірлер жоқ, бірінші болыңыз
Пікір қалдыру үшін