Рим-2018: «Үміт ұяты» драмасы көрермендер көзайымы атанды
Римдегі халықаралық кинофестивальде режиссер Эдоардо Де Анджелистің («Бөлінбейтіндер», «Перес») «Үміт ұяты» драмасы көрермендер көзайымы сыйлығына ие болды. Неапол мен соның маңында болған балалар саудасы жайлы жоба киносүйер қауымды баурап алды. Есірткі өршіп кеткен кішігірім Кастель-Вольтурно қаласында Мария (Пина Турко, «Гоморра» хикаясы) тұрады. Ол осы кәсіпте қол ұшын созып жүрген өзінің ең жақын досы, питбульдің компаниясында құрсақ аналар саудасымен айналысады. Мария әйелдерді өзен бойымен жүретін паромға жібереді, сол жақта олар босанады, кейін Мария ең жоғары баға ұсынған мырзаларға балаларды сатады.
Бір күні Марияның құлдарының бірі баланы өзіне қалдыруды ұйғарып, жоғалып кетеді. Іздеу басталады, бірақ Марияның өзі де аяғы ауыр болып, өз баласын құрсағында көтеріп жүргендіктен, өзінің заңсыз балалар саудасымен айналысып жүргеніне күмән келтіре бастайды. «Бұл жер мен үшін магнитке ұқсайды», - деді Эдоардо Де Анджелис Неаполдағы түсірілім жайлы. «Менің ойымша, фильм көрсетілімі аудиторияға өте маңызды, себебі әр көрермен көрген дүниеден өміріндегі бейнені таба алады. Әрқайсымыздың өзіндік тереңдігіміз және осал жеріміз бар», - деп жалғады итальяндық режиссер. Римдегі көрсетілім алдында «Үміт ұятының» Торонтодағы халықаралық фестивальде әлемдік тұсауы кесілген болатын.
пікірлер жоқ, бірінші болыңыз
Пікір қалдыру үшін