«Эль-Каминодегі Рождество»: Netflix-тің тұсаукесер алдындағы қара комедиясының трейлері
«Эль-Каминодегі Рождество» - режиссер Дэвид Талберт түсірген қара комедия. Басты рөлді Люк Граймс («Елу реңге қошқылдау», «Тамаша жетілік») сомдайды. Одан басқа, фильмге Винсент Д’Онофрио («Қоңыраулар», «Юрск кезеңіндегі саябақ»), Джессика Альба («Механик: Қайта тірілу», «Антураж») және Дэкс Шепард («Үлкен Босс», «Судья») сынды жұлдыздар түскен.
«Эль-Каминодегі Рождество» фильмінің сценарийін Тед Мелфи жазды, ол биыл «Жасырын мүсіншелер» фильмі үшін «Оскар» жүлдесіне үміткер болды. Бұл жобаның жұмысы 10 жылға созылған. Мелфиден өзге, картина хикаясымен дебютант Крис Уэнер айналысты.
«Эль-Каминодегі Рождество» хикаясы Эрик Рот (Люк Граймс) есімді жас жігіт жайында баяндайды. Ол өмірі көрмеген әкесін іздейді. Іздеп жүріп, шөлдалаға, Невада штатындағы ойдан шығарылған Эль-Камино қаласына тап болады. Граймс кейіпкерін жергілікті полицейлер есірткі саудасымен айналысады деп ойлайды. Ол бірнеше адамдармен бірге тонаудан кейін шарап дүкенінде қамалып қалады. Рождество қарсаңындағы сасқалақтаған бес рух... Дүкендегінің біреуі – Эриктің әкесі.
Таспаның Netflix-тегі тұсаукесері 8 желтоқсанға жоспарланып отыр.
пікірлер жоқ, бірінші болыңыз
Пікір қалдыру үшін