«Слендермен»: дубляждалған трейлер және трагедияны дәріптеу
Sony «Слендермен» хоррорының бірінші трейлерін жарыққа шығарды. Таспа аясында дау-дамай туындады. «Фильм өте жиіркенішті әрі трагедия арқылы пайда көздеп отыр», - деді Билл Вейер. Ол ғаламтордағы ойдан шығарылған кейіпкерге ұнау үшін сыныптас қызға пышақ сұққан қыздардың бірінің әкесі болып табылады. Фильм мамырда айналымға шыққан соң, Висконсиндегі кинотеатрлардан бұл сұмдықтың көрсетілмейтінінен үмітті. «Осындай сұмдықтан фильм жасағандары өкінішті. Олар трагедияны дәріптеп жатыр. Мен таң қалып жатқан жоқпын, бірақ меніңше, бұл жиіркенішті. Фильм мұндай жағдайды басынан өткізгендердің жарасын тырнайды ғой», - деді Билл Вейер.
Sony өкілдері әзірге жауап берген жоқ.
«Жіңішке адам немесе Слендермен» 2009 жылы Something Awful интернет-форумында талқыланған мемге айналды. Кейін ғаламторда сенсация болды. Ол осы кейіпкерді қатыстыра отырып, қолданушылардың арасында танымалдылыққа ие болды. Бұл мем 2014 жылы шынайы өлімге әкеп соқтырды. Висконсин штаты, Оукешо қалашығында тұратын 12 жасар екі қыз, оның бірі Вейердің қызы болатын, сол «жіңішке адам» үшін құрбысы мен сыныптасы Пэйтон Льютнерді құрбан қыла жаздаған. Олар қызды орманға әкеліп, 19 рет пышақ сұққан. Екеуі сотта отбасыларын қорғау үшін «жіңішке адамның» қызметшісіне айналып, Пэйтонды өлтіруге тиіс болғандарын жеткізді. Льютнер аман қалды.
HBO арнасы 2016 жылы «Шынайы Слендермен» деректі фильмін шығарған. «Слендермен» көркем фильмінің Қазақстандағы тұсаукесері 2018 жылдың 18 мамырына жоспарланып отыр.
пікірлер жоқ, бірінші болыңыз
Пікір қалдыру үшін