Хан Соло жайындағы спин-офф басқа режиссер іздейді
Хан Соло туралы фильм жобасынан режиссерлары - Фил Лорд пен Кристофер Миллер шығып кетті. Оның басты себебі, қоюшылардың Lucasfilm басшысы Кэтлин Кеннедимен келіспеушілігінде болып отыр. Ресми мәлімдеме бойынша екі жақта «шығармашылық кикілжіңдер» туындаған.
Инсайдерлердің хабарлауынша, кикілжіңнің себебі Кеннеди мен қоюшылар арасындағы түсініспеушілік болған көрінеді. Басшының тіпті, «екеуінің шұлықты қалай жинағандарын көріп» жыны ұстаған.
Басқа нұсқасы - Лорд пен Миллер Хан Солоны комедия кейіпкері ретінде көрген, ал студия оны қылжақбас өзімшіл етіп көрсетуге тырысқан.
Осылайша, студия Лорд пен Миллерді жұмыстан шығарып жібереді де, орнына Рон Ховардты алуды жоспарлайды. Егер Ховард келісімін берсе, Lucasfilm таспаны жоспарланған уақытта (2018 жылдың мамыр айы) шығарып үлгереді. Дегенмен, қазір қоюшының жобалары көп көрінеді.
Негізі, Голливудта соңғы түсірілім уақытында режиссерларды жұмыстан шығарып жіберу үрдісі көп кезіге бермейді. Оның үстіне, Лорд пен Миллер жұмыстың біраз бөлігін тындырып тастаған. Ендігі сұрақ – олар титрдан көрсетіле ме екен?
пікірлер жоқ, бірінші болыңыз
Пікір қалдыру үшін