Стивен Спилберг Сан-Диегода өзінің «Алғашқы ойыншы дайындалсын» атты жаңа картинасын таныстырды
Желіге Стивен Спилбергтің «Алғашқы ойыншы дайындалсын» фантастикалық экшенінің жаңа трейлері шықты. Аттас кітап пен фильм келешек туралы баяндайды. Яғни, шынайы өмірде Жерден гөрі виртуалды әлем қызықтырақ болады.
Адамдар көп уақытын өткізетін ерекше орынның бірі «ОАЗИС» виртуалды ойыны болды. Бұл қызықты ермек арқылы тек ойнап қана қоймай, білім алып, ақша тауып, басқа адамдармен танысуға болады.
Басты кейіпкер – жасөспірім Уэйд Уоттс, ол да бар уақытын «ОАЗИСте» өткізеді. Ол әлемдегі ең бай адам болған, «ОАЗИСтің» марқұм авторы Джеймс Холлидэйдің қалдырып кеткен үш кілтін іздей бастайды.
Үш кілттің иесі Холлидэй мұрагері атанбақ. Алайда, кілтерді табу оңай емес, іздеу барысында тек шынайы өмірде емес, виртуалды әлемде де қауіп күтіп тұр.
«Алғашқы ойыншы дайындалсын» фильмінің тұсаукесері 2018 жылдың 29 наурызында болмақ.
пікірлер жоқ, бірінші болыңыз
Пікір қалдыру үшін