«Әулие»: Крис Пратт қайта шығарылымға қатысу жайлы келіссөз жүргізуде
Крис Пратт («Юрск кезеңі әлемі 2», «Кек алушылар: Мәңгілік соғыс») Paramount Pictures студиясымен «Әулие» атты белгілі фильмнің қайты шығарылымына қатысу жайлы келіссөз жүргізіп жатыр. Басты рөлді Вэл Килмер сомдаған 20 жыл бұрынғы фантастикалық атыс-шабыс фильмі халықаралық айналымда 118 млн доллар жинады. Paramount аттас кітаптың бейімдеу құқығын 2016 жылы сатып алған, сол кезде жоба продюсері ретінде Лоренцо Ди Бонавентураны («Мег: Тереңдік құбыжығы», «Репродукция») бекіткен болатын.
Қазір студия ең танымал экранды сюжетте басты рөлді сомдайтын актерді іздестіру үстінде. «Әулиенің» расында да әйгілі тарихы бар. Әлемдік жанкешті Саймон Темплар туралы Лесли Чартеристің кітаптар желісінен шабыт алған «Әулие» өткен ғасырдың 30-жылдардың соңында алғаш рет экрандауға ие болды. Джеймс Бонд рөлін сомдамас бұрын Роджер Мур 60-жылдары алты маусымнан тұратын телехикаяда басты рөлді ойнады. Paramount соңғы рет «Әулиені» экранға 1997 жылы шығарған еді.
пікірлер жоқ, бірінші болыңыз
Пікір қалдыру үшін