«Үй жануарларының жұмбақ өмірі 2»: ветеринарға қош келдіңіздер

7 Қараша, 2018
BrodKaz
1 594
0

Universal Pictures және Illumination Entertainment студиялары режиссер Крис Реноның («Сұмпайы мен», «Лоракс») «Үй жануарларының жұмбақ өмірі 2» анимациялық отбасылық комедия жалғасының алғашқы трейлерін таныстырды. Экранға 2016 жылдың шілдесінде шыққан түпнұсқа фильм жазғы мультипликациялы блокбастер атанып, халықаралық айналымда 870 млн доллардан аса қаржы жинады. Осындай кассалы жинағы бар жобаның жалғасымен айналысу продюсерлер үшін оңай шешім болды.

Дегенмен «Үй жануарларының жұмбақ өмірі 2» фильмінің түсірілім барысында өзіндік сахна сыртындағы өзгерістері орын алды. Фильмнің басты кейіпкері, Макс лақап аты бар итті дыбыстаған әзілкеш Луис С.К. жұмыстан босатылды, өйткені былтырғы күзде оны бірнеше әйел зорлық көрсетті деп айыптаған еді. Алайда, Макс мультфильмнің өзінде қалды, бұл кейіпкер бұрынғыдай негізгі болып қала бермек, бірақ оны Disney мен Pixar-дың «Рататуй» таспасындағы дауысты жұмысымен танылған актер Пэттон Освальт дыбыстайды.

«Үй жануарларының жұмбақ өмірі 2» анимациялық комедиясы 2019 жылдың 30 мамырында көрсетіледі. Афишамызды қарап жүріңіздер.