«Терминал»: Марго Роббидің қатысуымен жаңа фильмнің алғашқы трейлері
RLJE Film студиясы режиссер Вон Стайнның «Терминал» триллеріне арналған алғашқы трейлерді ұсынды. Таспа түсірілім кезінде «Сызықтың соңы» атауына ие болды. Голливудта 10 жылдан аса режиссердің көмекшісі қызметін атқарған Стайн осы жоба арқылы толықметражды фильмнің режиссері ретінде де, сценарист ретінде де дебют жасауда. «Терминалдағы» Эннидің басты рөлін Марго Робби («Тоня барлығына қарсы шығады», «Қош бол, Кристофер Робин») сомдайды.
«Терминалдың» сюжеті бойынша картинаның оқиғасы үлкен қаланың ортасында өтеді. Екі кісі өлтіруші өздерінің қатал тапсырмаларын орындауы тиіс. Мұғалім айықпас аурумен күреседі. Әуесқой даяршы қауіпті ойынды жүргізеді, ал күзетші одан да жаңа құпияларды аша түседі. Олар қылмыстың бетін ашып, бір-ақ түнде бір-бірімен тығыз байланыс орнатады. Қылмыстың бар айғағын кек алушы, құпия көшбасшы өз қолында ұстайды.
«Терминал» триллерінің көрсетілімі осы жылдың 11 мамырында өтеді.
пікірлер жоқ, бірінші болыңыз
Пікір қалдыру үшін