Ертегіге құрылған «Соңғы батыр» атты орысша фильмнің трейлері
«The Walt Disney Company» студиясының орыс бөлімі «Yellow Black and White» өндірістік орыс компаниясымен бірігіп өздерінің «Соңғы батыр» атты ертегі хикаясын түсірді. Режиссері - Дмитрий Дьяченко, ал сценариймен бірден 5 маман жұмыс істеді. Олар: Виталий Шляппо, Дмитрий Ян, Василий Куценко, Павел Данилов және Игорь Тудвасев.
Сюжет заманауи Мәскеуден аяқ астынан ертегілердің кейіпкерлері тұратын ғажайып Белогорье әлеміне тап болатын қарапайым Иванның оқиғасын баяндайды. Тұрғындар үшін ғажайыптың болуы заңды секілді, ал барлық қақтығыстар батырлардың қылыштасуымен шешіледі.
Ғажайыптың әлеміне енген Иван өзі басты рөлде жүріп, қара күштермен күреседі. Ертегіде заманауи әлем мен таңғажайып ғалам тоғысып тұрады. Ал ертегі кейіпкерлері бұрыннан таныс болғанымен, осы туындыда жаңа қырынан көрінеді. Сіздерді әсерлі спецэффекттер, қызықты трюктер және белгілі орыс әзілдері күтеді.
Фильмнің Қазақстан аумағындағы ресми өкілі - «Меломан» компаниясы.
пікірлер жоқ, бірінші болыңыз
Пікір қалдыру үшін