TriStar «Тақтардың ойыны» картинасының режиссері Мэтт Шекманды балаларға арналған фильм ремейкінің түсірілімін басқаруға шақырды
Режиссер Мэтт Шекман («Тақтардың ойыны», «Жақсы жар» хикаялары) TriStar қалауымен Нортон Джастердің «Елесті күрке» классикалық балалар кітабының жаңа экрандауының түсіріліміне басшы ретінде шақырылды. Бұл роман маңыздылығы мен әсерлілігі жағынан оқырмандар үшін Льюис Кэрроллдың «Алиса Ғажайыптар әлемінде» және Фрэнк Баумның «Оз елінен шыққан сиқыршы» сынды шедевр туындылармен бір қатарда тұрады.
Фил Джонстон («Зверополис», «Ральф») осы таспа сценарийінің соңғы нұсқасын жазды. «Елесті күрке» алғаш рет Жюль Файффердің кескіндемелерімен 1961 жылы жарыққа шыққан болатын.
Кітапта барлығына бей-жай қарайтын, ештеңеге таң қалмайтын Мило есімді бала туралы баяндалады. Ал бөлмесінде елесті күрке пайда болған кезде, соның ашық тұрған есігіне балалар көлігі арқылы кіреді де, ғажайып әлемге тап болады. Мило жарқын кейіпкерлері бар қызықты әрі жұмбақ жерге келеді. Ол жақта ұрланып кеткен Райм мен Ризон ханшайымдар, үлкен күзетші ит Ток бар. Балақай өмірдің өзі ойлағаннан да әсерлі болатынын біледі.
50 жылдан астам уақыт бұрын жарыққа шыққан «Елесті күркенің» тиражы бірнеше миллион дананы құрайды.
пікірлер жоқ, бірінші болыңыз
Пікір қалдыру үшін