«Логандардың сәттілігі» - Ченнинг Татум, Адам Драйвер және Дэниэл Крэйгтің қатысуындағы қылмыстық комедия
Желіде режиссер Стивен Содербергтың «Логандардың сәттілігі» («Удача Логанов») фильмінің алғашқы трейлері пайда болды. Фильм режиссердің «Оушенның он бір досы» («Одиннадцать друзей Оушена») секілді бұрынғы қылмыстық комедияларын еске салады.
Сюжетте ағайынды Логан: Джимми (Ченнинг Татум) мен Клайд (Адам Драйвер) туралы баяндалады. Олар Coca-Cola 600 жарысы кезінде тонауды ұйымдастырады. Ойлағандарын іске асыру үшін ағайындыларға маман Джо Бэнг (Дэниэл Крэйг) қажет болады, бірақ ол түрмеде отыр. Сондықтан, бірінші жұмыс – кәсіби маманды түрмеден шығарып алу.
Стивен Содерберг өз фильмін NASCAR Coca-Cola 600 және Bank of America 500 жарыстары кезінде түсірген. Сол себепті, эпизодтық рөлдерден даңғыл жол жұлдыздарын көре аламыз.
Фильм 18-тамыз күні Amazon Prime қызметі арқылы айналымға шығады.
пікірлер жоқ, бірінші болыңыз
Пікір қалдыру үшін