«Эмоджи фильмнің» эксклюзивті үзіндісі Одноклассники әлеуметтік желісінде пайда болды
Sony Pictures-тің ресейлік бөлімі ерекше промо жасауды ұйғарып, алдағы уақытта жарыққа шығатын «Эмоджи фильм» анимациялық таспасының үзіндісін Одноклассники әлеуметтік желісіне жүктеді.
Роликті төменнен көре аласыздар.
Еске сала кетсек, алдағы уақытта жарыққа шығатын картинаның сюжеті әр смартфонда кездесетін Текстополис қаласының кішкентай эмоджи тұрғындары жайында баяндайды.
Смартфон иесі өз хабарламалары үшін эмоджиларды таңдаған кезде, олар өз жұмыстарын істейді. Әдетте, әр эмоджи бір ғана көңіл-күйді білдіреді. Ал Жынның жолы болды (немесе болмады), ол бірден бірнеше көңіл-күйді бейнелей алатын қасиетке ие. Кейіпкер осы қасиетінің арқасында Текстополисті құрып кетуден сақтау үшін смартфон жүйелерінің бойымен ұзақ саяхатқа шығады.
Фильм 17 тамыз күні 2D және 3D форматтарында жарыққа шығады деп жоспарланып отыр.
Картинаның Қазақстан аумағындағы ресми таратушысы «Меломан-Кинопрокат» компаниясы болып табылады.
пікірлер жоқ, бірінші болыңыз
Пікір қалдыру үшін