Қыркүйекте Пол У. С. Андерсонның «Monster Hunter» жобасының түсірілімі басталады
Қыркүйекте режиссер Пол У.С. Андерсонның («Зұлымдық мекені: Соңғы басшы», «Помпеи») «Monster Hunter» бейнежазба ойынының экрандық бейімделуінің түсірілімі басталады. Фильм өндірісінің қаражаты 60 миллион долларға жоспарлануда. Constantin Film студиясы қайтадан «Зұлымдық мекені» франшизасының басты жұлдызы Милла Йововичпен, продюсер Джереми Болтпен және режиссер Пол У.С. Андерсонмен жұмыс істейтін болады.
«Monster Hunter» түсірілімі Оңтүстік Америкада және Кейптаун аймағында өтеді. Бұл жерлерде айналымда 312 миллион доллар жинаған «Зұлымдық мекені: Соңғы басшының» соңғы бөлімін түсірген болатын. «Мұнда барлық түсірілім тобы өздерін керемет сезінеді, ол жерге жету оңай, уақыт белдеуі де бірдей және Еуропадан бір түнде ұшуға болады. Біз өте жайлы аймақта тұрмыз», - деді түсірілім орны жайлы Constantin Film өкілі, продюсер Мартин Московитц.
Канн фестивалінің кинобазары аясында «Monster Hunter» жобасын ұсынған Московиц Андерсон жайлы жағымды пікір білдірді: «Пол өзінің ерекше әрі стильді фильм түсіретінін бір емес, бірнеше рет дәлелдеді. Бұл оның көп қырының бірі ғана. Ол фильмді керемет етіп шығарады және тамаша көрермендер қатарын құра алады». Қазіргі уақытта «Monster Hunter» «Зұлымдық мекені» секілді франшиза ретінде қарастырылуда.
пікірлер жоқ, бірінші болыңыз
Пікір қалдыру үшін