«Веном»: фильм ұзақтығы 40 минутқа қысқарды
Movieweb басылымының хабарламасына сәйкес, тұсауы осы аптада кесілетін «Веном» комиксінің ұзақтығы 40 минутқа қысқарды. Басты рөлді сомдайтын Том Харди монтаждау кезінде фильмдегі көптеген ұнамды көріністерінің кесілгенін және таспа ұзақтығының 40 минутқа дейін қысқарғанын айтты. «Өрмекші адам» спин-оффы көрермен қызығушылығын жоғары деңгейде ұстауды жалғастыруда.
Жақында берген сұхбатында Том Хардиден «Веномдағы» ең сүйікті эпизоды жайлы сұрады. Эдди Брок пен симбиотты ойнайтын актер кинотеатрларға арналған соңғы нұсқада түсірілген көптеген материалдың пайдаланылмағанын айтты: «Негізі, 30-40 минутты құрайтын көптеген қызықты көріністер фильмге енбеді. Қуыршақ ойнатушы әртіспен болған керемет эпизодтар, «қара» комедиялы көріністер жоқ. Нені меңзеп тұрғанымды түсінетін шығарсыздар? Олар бірнеше себептерге байланысты фильмнің соңғы нұсқасына енбей қалды».
Хардидің мұндай мәлімдемесінің себебі, Sony студиясының жобаға үлкен коммерциялық бәс тігіп отырғанында болар, өйткені ол «Веномға» үлкен үміт артып отыр. Сондықтан, фильм авторлары жас шектеуін R-ден (17 жасқа толмағандар фильмге ата-анасымен бірге кіргізіледі) PG-13-ке (13 жасқа толмағандарға көруге болмайды) дейін төмендетті. Еске салсақ, Қазақстанда таспаның жас шектеуі 16+.
«Веном» комиксі 2018 жылдың 4 қазанынан бастап айналымға шығады. Афишамызды қарап жүріңіздер.
пікірлер жоқ, бірінші болыңыз
Пікір қалдыру үшін