«Мен алпауыттармен күресемін»: фантастикалық драманың дубляждалған трейлері
Торонтодағы халықаралық фестивальде алғаш рет ұсынылған «Мен алпауыттармен күресемін» фантастикалық драмасының алғашқы дубляждалған трейлері жарыққа шықты. Фильм түсірілімімен 2014 жылы «Гелий» қысқаметражды фильмімен «Оскар» жүлдесін иеленген даттық режиссер Андерс Вальтер Хансен айналысты. Картинаның негізгі сюжеті Джо Келлидің «Мен алпауыттарды өлтіремін» аттас графикалық романына негізделген.
«Мен алпауыттармен күресемін» фильмінің жас кейіпкері Барбара Торсонның (Мэдисон Вульф, «Қарғыс 2», «Джой») өмірін қарапайым деп айтуға келмейді. Дөрекі, ашық-жарқын және үнемі жалғыз жүретін Барбара қоршаған ортада емес, айдаһарлар мен жер асты әлемінде көбірек өмір сүреді. Ол өзінің үлкен әпкесі Каренге (Имоджен Путс, «Фрэнк және Лола», «Лас») қамқорлық танытады.
Мектеп психологы Молле ханым (Зои Салдана, «Түн заңы», «Галактика сақшылары») Барбараның мазасыз іс-әрекеттеріне алаңдаушылық білдіреді. Барбараның қорқынышы күшейгендіктен, оның елестеткен өмірі шындыққа айнала бастайды және алпауыттарды іздеу, өлтіру оның өміріне толығымен енеді. Барбара шындықты қабылдаған соң ғана, өзінің қорқынышы мен жындарын жеңе алады.
«Мен алпауыттармен күресемін» фантастикалық драмасы көрсетілімге 29 наурыздан бастап шығады.
пікірлер жоқ, бірінші болыңыз
Пікір қалдыру үшін