«Алтын глобус»: қара түстің елу түрі

8 Января, 2018
Мадина
1 223
0

«Алтын глобус» жүлдесінің марапаттау салтанаты дәстүрлі түрде жұлдыздар шеруіне айналды. Бұл шарада жылтыр әрі сәнді киімдер мен дресс-код қалыпты жағдай болып саналады. Бірақ, осы жылы Мэрил Стрип пен Мишель Уильямс сынды жұлдыздар қара киімді киюді құп көріпті.

Голливуд элиталары неліктен сүреңсіз қара түсті киюді ұйғарды? People журналы желтоқсанда осы шараға актрисалардың қара түс киіп келетінін, осылайша Голливудтағы сексуалды әрекеттерден зардап шеккендерге қолдау білдіретіндерін жазған болатын. Кино өндірістің Харви Вайнштейн, Кевин Спейси, Дастин Хоффман, Луис С.К., Морган Сперлок және т.б. көптеген өкілдеріне айып тағылған еді.

Райан Сикрест, Келли Кларксон, Эллисон Дженни, Финн Вулфард, Рэйчел Броснахэн және көптеген жұлдыздар «Алтын глобусқа» қара киім киіп келген.

Райан Рейнольдс, Том Хиддлстон, Арми Хэммер, Брэдли Купер және Дуэйн Джонсон сынды бірнеше ер азаматтар да, шоу жүргізушісі Сет Мейерс те киноөндірістегі әйелдерге қолдау білдіріп, шараға қара киім киген.

Риз Уизерспун, Гэдот қызы және Шонду Рхаймс сынды 300-ден астам танымал актриса бұл әрекетке қатысты өз пікірлерін білдірді. Керри Вашингтонның сөзінше, бастапқыда «Алтын глобус» марапатына бойкот жариялау туралы ұсыныстар болған екен. Ақыры, барлығы жүлденің қатысушылары мен үміткерлерін қолдап, түгел қара киім киіп келуді ұйғарған.