Ермек Шынарбаев

Ермек Бектасұлы Шынарбаев - кинорежиссер, сценарист, продюсер, актер.

Қазақстанның Еңбек сіңірген қайраткері (1996).

КСРО кинематографистер Одағының мүшесі (1986).

1953 жылы 24-қаңтарда Алматы қаласында дүниеге келген.

ВГИК-тің актерлік бөлімін (Б. Бабочкина шеберлік сыныбы, 1974 ж.); режиссерлік бөлімін (С. Герасимов шеберлік сыныбы, 1982 ж.) бітірген.

1974 жылдан бастап  - актер, режиссердің көмекшісі;

1981 жылдан бастап - «Қазақфильм» киностудиясының ре­жиссері;

1997 жылдан бері - «Классика» музыкалық агенттігінің бас продюсері.

90-жылдары ең танымал фильмдер түсірілген Ш. Айманов атындағы «Қазақфильм» киностудиясының «Әлем» ЖШС көркемдік жетекшісі болған.

Е. Шынарбаевтың деректі фильмдер жанрында бірнеше жұмыстары бар.

2005 жылдан бастап, күні бүгінге дейін - «Eurasia Film Production» компаниясының режиссері әрі арт-директоры.

2009 жылы «Құрмет» орденімен марапатталған. 

Кинодағы рөлдері:

• 1980 – Шамдар мерекесі / Праздник фонарей (қысқаметражды) - Ёсио Ханаси, жанкешті сарбаз – басты рөл

Режиссер:

• 2015 – Дала дауысы / Голос степей (Қазақстан, Франция, өндірісте)
• 2010 – Періштеге хат / Письма к ангелу (Қазақстан)
• 2010 - Астана – махаббатым менің (хикая, Қазақстан, Түркия)
• 2007 – Кетер адам / Человек уходящий (Қазақстан)
• 2006 – Жоғалған жұмақ / Потерянный рай (Қазақстан)
• 1996-2000 – Тоғысқан тағдырлар / Перекресток (хикая, Қазақстан)
• 1994 - Әлсіз жүрек / Слабое сердце (Қазақстан)
• 1993 – Азғын үштіктің азабы / Место на серой треуголке (Қазақстан)
• 1989 – Кек / Месть
• 1987 – Орманнан жазық далаға шығу / Выйти из леса на поляну
• 1985 – Әпкем менің Люся / Сестра моя Люся
• 1982 – Қара жамылған сұлу / Красавица в трауре (қысқаметражды)

Сценарист:

• 2010 – Періштеге хат / Письма к ангелу (Қазақстан)
• 1982 – Қара жамылған сұлу / Красавица в трауре (қысқаметражды)

Продюсер:

• 1995 - Абай | Abai (Франция, Қазақстан)