Геннадий Балаев

Балаев Геннадий Николаевич – театр және кино актері

1940 жылы 24 шілдеде Ақтөбе қаласында дүниеге келген. Самарқанд мемлекеттік музыкалық училищесін бітірген (1961), музыкалық балалар мектебінің оқытушысы, концертмейстер, пианист;

Ташкент мемлекеттік театр және кино институтының Самарқандтағы филиалы (1962),театр және кино актері; Ташкент мемлекеттік консерваториясының фортепиано сыныбының үш курсын бітірген. 1962 жылдан қазіргі уақытқа дейін - М.Ю. Лермонтов атындағы мемлекеттік академиялық орыс драма театрының әртісі.

Қойылымдардағы рөлдері: «Тұңғиықта» (Актер), «Ол өлім аузында жатқанда» (Игорь), «Танго» (Стомиль), «Шапалақ жегендер» (Біреу), «Мейірімді күшікті жақсы адамдарға беремін» (Гриша), «Лир патша» (Герцог Бургунд­ский), «Кречинскийдің үйленуі» (Кречинский), «Кин IV» (Кин).

Кинодағы рөлдері: «Қоңырау шалу» (капитан Лунин), «Шоқан Уәлиханов» (кадет корпустың басшысы) – «Мосфильм» кино­студиясы, «Толобайки» әзіл бағдарламасы, «Груз 001» фильмі - «Қазақфильм» студиясы.

Одақ киноактерларының хатшысы ( 1992 ж.).

ҚР еңбек сіңірген әртісі.

«Ерен еңбегi үшiн» (2004), «Қазақстан Республикасының тәуелсiздiгiне 10 жыл» (2001)медальдарымен марапатталған. ҚР президентінің алғыс хатымен марапатталған. 

Фильмдегі рөлдері:

• Бүкіл әлем аяғымыздың астында / Весь мир у наших ног (2012)
• 25-ші километр / 25-й километр (хикая, 2012-2013) - Цукерман
• Уранды дауыл / Урановый тайфун (2011)
• Шегіртке / Саранча (хикая, 2001-2003) - ұры
• Ұмытпаймын, кешірмеймін / Мне не забыть, не простить (1990)
• Адамды қабылдаңыздар! / Примите Адама! (1984)
• Шоқан Уәлиханов / Чокан Валиханов (кіші көлемді хикая, 1983, 1984) - генерал Дубельт / Кучковский
• Түгендеу / Перекличка (1965) - эпизод

Театрдағы рөлдері:

• Кардинал Вулси – «Королевские игры» / «Патша ойындары», Г. Горин
• Актёр – «На дне» / Тұңғиықта, М. Горький 
• Игорь – «Пока она умирала» / «Ол өлім аузында жатқанда»», Н. Птушкина
• Стомиль – «Танго», С. Мрожек 
• Біреу – «Тот, который получает пощечины» / «Шапалақ жеген», Л. Андреев