Қазақ тіліндегі «Аладдин» ертегісін көрермендердің рекордтық саны көрді
- Прокаттың алғашқы демалыс күндері қазақ тіліндегі «Аладдин» ертегісін көрермендердің рекордтық саны, яғни үш мыңнан астам адам көрді,- деп «Меломан» компаниясының өкілдері мәлімдеді. Бұл цифр «Дамбо» фильмінің алдыңғы релизінің көрсеткіштерінен екі есе асып түседі.
«Фильмдерді аудару жобасы - тек дубляж емес, бірінші кезекте, қазақ тілін қолдану саласын кеңейту, оны ілгерілету және қазақстандық азаматтардың қазақ тіліндегі әлемдік студиялар контентіне қол жеткізу құқығын жүзеге асыру жобасы болып табылады», - деп «Болашақ» корпоративтік қорының Қамқоршылық кеңесінің төрағасы Динара Чайжунусова атап өтті.
Естеріңізге сала кетейік, «Аладдин» отбасылық ертегінің тұсаукесері 23 мамырда өтті. 2011 жылдан бастап «Болашақ» корпоративтік қоры мен «Меломан» компаниясының бастамасымен іске асырылатын «Өзіңнен баста» жоба аясында дубляждалған кинотуынды.
Жобаның арқасында, отандық 100 астам актер қазіргі таңда «Walt Disney Pictures» дауыстар қорында тіркелген.
«Аладдин» фильмінің кестесі кинотеатрлар афишасында қол жетімді.
пікірлер жоқ, бірінші болыңыз
Пікір қалдыру үшін