«Энтеббедегі 7 күн»: бірінші трейлер
Розамунд Пайк («Тәккапарлық пен жалған сенім», «Жоғалып кеткен») және Даниэль Брюль («Абыройсыз жетесіздер», «Гуд бай, Ленин!») «Энтеббедегі 7 күн» таспасында саяси мақсатпен ұшақты айдап әкетеді.
Focus Features-тің дүбірлі триллері 1976 жылдың ортасында Тель-Авивтен Парижге бағытталған Air France ұшағын айдап әкеткендер туралы баяндайды, яғни картина шынайы оқиғаға негізделген. Террористтер Израиль, Кения, Швейцария, Франция мен ГФР түрмелеріндегі ондаған палестина тұтқындарын босатуды талап еткен.
«Біз барлығын революциялық қозғалысқа шақырамыз. Біз бүкіл әлемнің назарын Палестинадағы шайқасқа аударғмыз келеді»,-дейді Брюльдің батыры трейлерде. Розамунд Пайк сомдаған операция серіктесі Угандадағы тұтқындарға: «Маған қарсы шыққан кез-келгенді атып тастаймын»,-деп айтады.
Жозе Падилья («Элиталы топ», «РобоКоп», «Нарко» хикаясы) «Энтеббедегі 7 күнді» Грегори Бурктың («71») сценарийі бойынша түсірді.
«Энтеббедегі 7 күннің» тұсаукесері 2018 жылдың 16 наурызында болады.
пікірлер жоқ, бірінші болыңыз
Пікір қалдыру үшін