«Дұшпандар»: тұсаукесер алдындағы жаңа трейлер
Скотт Купердің («Қара месса», «Ессіз жүрек») «Дұшпандар» фильмінің жаңа трейлері жарыққа шықты. Драмалық вестерннің тұсаукесері қыркүйекте Халықаралық Торонто фестивалінде болған еді, сыншылар тарапынан да жақсы қабылданды. Купер фильмге Кристиан Бэйл («Престиж», «Қара сарбаз»), Розамунд Пайк («Намыс пен жалған сенім», «Жоғалып кеткен»), Уэс Стьюди («Қасқырлармен бірге билеуші», «Аватар») және Бен Фостер («Юмаға бағытталған пойыз», «Варкрафт») сынды жұлдыздарды түсірген.
«Дұшпандардағы» оқиға 1892 жылы болған. Аңызға айналған әскери капитан (Кристиан Бэйл) ұзақ уақыт бойы қарсыластық танытып, ақыры өлімсіреп қалған Шайенндік қамал басшысына (Уэс Стьюди) отбасымен бірге еріп жүруге келіседі. Бұрынғы қарсыластар Берринжер қамалынан Нью-Мехикоға, Монтана жайылымына аса қауіпті жолға шығады. Олар отбасын үндістер өлтіріп кеткен жас жесірге (Розамунд Пайк) кезігеді. Барлығы қоманшылар тайпасы тұратын дұшпандар аймағынан аман-есен өту үшін бірге қосылып, күштерін біріктіреді.
«Дұшпандардың» кинотеатрдағы ресми тұсаукесері 22 желтоқсанда болады.
пікірлер жоқ, бірінші болыңыз
Пікір қалдыру үшін